KARRUME TORAYA

Karume:                                                  Pebalinna

Langngannoi, langngannoi,

untampe sere dodona      

                                    Daun punti

Sikarume-rume tokko,

sikabinting buto balao                                          To mandasi’

Toena’ kukatten                                                      Sere'

Duku’ sangkarra’ ulleanni buntu saratu’      Dena’

To mekkue’ tu’tu’ bongi                                        Timbo

Batu umbukku uai                                                   Kaluku

To kia’tang sorong boko’                                       Bi’ti’

Toena’ kualangko                                                     Pesumpa’

Ulang tedongna nenekki

tang ditiro tu tampakna                                         Lalan

Aku ma’tobok aku urriu’i tambukku                 Darun

Mane tika’tu tomate,

anna tibukkamo tu liangna                                  To kumande

Dolo pi’pik undi pi’pik,

tangngana kasoe-soe                                              Tedong

Toe’na kuunnondo                                                   Alu

Asu busa’ rundu’ salu                                              Burra uai

Disapu ara’na anna tibollo boko’na                   Senoan

To mentiongan tang mamara                               Lila

Male tambukna, torro kalena                               Banua

To bukku’ situru’-turu’                                            Sungkalla’

La’pa-la’pa tiku tondok,

rembasan tiku banua                                                Asu

Kurin te’dekna nenekki,

dikalosoi balulangna                                                 Pa’piong

Disapu na manaran, disaile na marira               Talinga

Toena’, toena’ , kuunnukkun                                  Petimba

Batu dipiak, nabu’tu bulaan                                    Lau (kalobe)

Tometteka’ torro tanga                                            To messeppa